Афанасий Филиппьевич Карманов

1911–20.08.1942

 Уроженец д. Югыдтыдор Вольдинского с/с.

На Великую Отечественную войну призван 24 августа 1941 г., рядовой. Служил в 108-м Гвардейском стрелковом полку.

Пропал без вести 20 августа 1942 г.

«Книга памяти Республики Коми»,  том 3, стр.184

 – Война водзвылас Вöльдiнысь зэв унаöс нулiсны Печора вылö мездыны вöр, юыс кутiс ямны, а уна кер бунт колис берегö. Коліс лэдзны, пуръявны и мöдöдны водзö. Босьтлiсны и Урал бердса рудникъясӧ. Ог тöд, кытчö нулiсны Опонь дядьöс, но война вылас нуисны Урал гöра дорсянь. Весиг гортас эз лэдзлыны.

 А гортас гöтырыс – Гликерия Илларионовна, öтнас кык кагаöн: Миша да Рада, дзоляыслы сöмын на тöлысь. Ковмис Ликöлы лэччöдны кöлуйсö Кулöмдiнöдз, – висьталiс Елена Васильевна.

 Афанасий Филиппьевичöс йöзыс зэв бур боксянь казьтывлöны: Ен кодь! Ёна шань вöлöма. Прöстöй разнорабочöй. Öтлаасьлöмаöсь Опоня – Ликöа Дiасёръяын вöр лэдзигöн. Вöлöма нин эськö жöникыслöн пöдруга, и чурка вöлöма, но аньыд абу вежöгтылöма, и зык-шум некор абу вöвлöма.

 Афанасий Филиппьевич бöрсö война вывсьыс абу волöма: во мысти и вошöма кытчöкö.

 Рада кулöма вомидзысь, Миша кувмöныс доймылöма. Уна корасьысь волöма Опонь дöва дорö, но Гликерия Илларионовна вывтi ёна радейтöма верöссö, сiдз öтнас и олöма, некод сайö абу петавлöма. Нэмсö виччысьöма дивӧ, öд некод абу аддзывлöма верöсыслысь шойсö.

 А ещö сiйö кадсясьыс Елена Васильевна казьтывлö: «Война вылад мылдiнса-печорасатö унджыксö петкöдлöмаöсь Вöльдiн пыр. Педöр Степан керкаын узисны Дутовса 15 зон, гырысьöсь, мичаöсь. А гöлöсныс! Петiганыс эз петкöдлыны некутшöм полöм, сьылiсны: «Нам Блюхер сказал перед боем – Бандитам землю не дадим!».

 Гражданскöй войнадырся сьыланкывйöн петкöдлiсны немечьясöс вермöм, победаöн бöр воöм.

                                                                                                        П.А. Уляшева

Материал предоставлен Вольдинской библиотекой